|
Elgemannen
Inne på Hestenhøgden, mellom
Aun og Elgsnes, var det mykje skrømt i gammal tid. Når folk
kom gåande langs stranda, kom det ofte stein og stubb ramlande
nedover. Og folk påstod at det var einkvan der oppe på høgda
som kasta han utover. Dei trudde helst det var Hinkaren som
gjekk laus der oppe. Men til kvardags kalla dei han Elgemannen.
Til sist blei det så ille
at dei sende bod til presten Hel i Kvæfjord, og han kom då og
gjekk opp på Hestenhøgden i kappe og krage. Og Svarteboka hadde
han vel og med seg. Korleis det enn er, så blei det stilt der
oppe etter den dag, og folk har fått fare sine vegar fram utan
å sjå eller høyre noko til Elgemannen.
|